സെൻട്രൽ റെയിൽവേയിൽ അപ്രന്റീസാകാൻ മികച്ച അവസരം. 2418 ഒഴിവുകളിലേക്ക് ആണ് അപേക്ഷ ക്ഷണിച്ചിരിക്കുന്നത്. മുംബൈ, ഭൂസാവൾ, പുണെ, നാഗ്പുർ, സോളാപുർ തുടങ്ങിയ സ്ഥലങ്ങളിലെ വിവിധ വർക്‌ഷോപ്പ്/യൂണിറ്റുകളിലേക്കാണ് നിയമനം നടത്തുന്നത്.

ഒഴിവുള്ള ട്രേഡുകൾ

ഫിറ്റർ, വെൽഡർ, കാർപ്പെൻഡർ, പെയിന്റർ (ജനറൽ), ടെയ്‌ലർ (ജനറൽ), ഇലക്‌ട്രീഷ്യൻ, മെഷീനിസ്റ്റ്, പ്രോഗ്രാമിങ് ആൻഡ് സിസ്റ്റം അഡ്മിനിസ്‌ട്രേഷൻ അസിസ്റ്റന്റ്, മെക്കാനിക് ഡീസൽ, ടർണർ, വെൽഡർ (ഗ്യാസ് ആൻഡ് ഇലക്‌ട്രിക്‌), ഇൻസ്ട്രുമെന്റ് മെക്കാനിക്ക്, ലബോറട്ടറി അസിസ്റ്റന്റ് (സിപി), ഇലക്‌ട്രോണിക് മെക്കാനിക്, ഷീറ്റ് മെറ്റൽ വർക്കർ, മെക്കാനിക് മെഷീൻ ടൂൾസ് മെയിന്റനൻസ്, കംപ്യൂട്ടർ ഓപ്പറേറ്റർ ആൻഡ് പ്രോഗ്രാം അസിസ്റ്റന്റ്, മെക്കാനിക്‌ (മോട്ടോർ വെഹിക്കിൾ), ഇൻഫർമേഷൻ ടെക്‌നോളജി ആൻഡ് ഇലക്‌ട്രോണിക് സിസ്റ്റം മെയിന്റനൻസ്.

ഒരു വർഷത്തേക്കായിരിക്കും നിയമനം നടത്തുക. അപേക്ഷകൾ സമർപ്പിക്കേണ്ട അവസാനതീയതി സെപ്റ്റംബർ 11. കൂടുതൽ വിവരങ്ങൾക്ക് www.rrccr.com സന്ദർശിക്കുക.