കൊച്ചി: മട്ടാഞ്ചേരിയില് വന് എംഡിഎംഎ വേട്ടയുമായി പൊലീസ്. രണ്ടു കിലോയോളം എംഡിഎംഎ പിടികൂടി. മട്ടാഞ്ചേരി സ്വദേശി നൗഫല് (35) എന്നയാളാണ് പിടിയിലായത്. ഓപ്പറേഷന് തൂഫാന്റെ ഭാഗമായി കൊച്ചി ഡാന്സാഫ് സംഘമാണ് എംഡിഎംഎ പിടികൂടിയത്.
നൗഫലിന്റെ പക്കല് നിന്നും 15 ഗ്രാം എംഡിഎംഎ കണ്ടെടുത്തു. ഇയാളില് നിന്ന് ലഭിച്ച വിവരങ്ങളുടെ അടിസ്ഥാനത്തില് കാറില് നടത്തിയ പരിശോധനയിലാണ് രണ്ടു കിലോയോളം എംഡിഎംഎ പിടിച്ചെടുക്കുന്നത്. ഇയാളുടെ വീട്ടിലടക്കം പൊലീസ് പരിശോധന നടത്തി വരികയാണ്.
