തിരുവവനന്തപുരം: ചലച്ചിത്ര നിര്മാതാവ് ജി സുരേഷ് കുമാര് ബിജെപി സംസ്ഥാന കമ്മറ്റിയിൽ. പാര്ട്ടി സംസ്ഥാന അധ്യക്ഷന് കെ സുരേന്ദ്രനാണ് സുരേഷ് കുമാറിനെ സംസ്ഥാന സമിതിയിലേക്ക് നാമനിര്ദേശം ചെയ്തത്.
സുരേഷ് കുമാര് നേരത്തെ ബിജെപി അനുഭാവിയായിരുന്നെങ്കിലും പാര്ട്ടി പദവികള് വഹിച്ചിരുന്നില്ല. ആഴ്ചകള്ക്ക് മുന്പ് സിനിമാ സംവിധായകനും നടനുമായ മേജര് രവിയെയും നടന് ദേവനെയും ബിജെപി സംസ്ഥാന ഉപാധ്യക്ഷന്മാരായി തെരഞ്ഞെടുത്തിരുന്നു. കേരള പീപ്പിള്സ് പാര്ട്ടി എന്ന സ്വന്തം പാര്ട്ടിയെ ലയിപ്പിച്ചാണ് ദേവന് ബിജെപിയിലേക്ക് എത്തിയത്.
