പത്തനംതിട്ട: പന്തളം പറന്തലിൽ കെഎസ്ആർടിസി ബസും പിക് അപ്പ് വാനും കൂട്ടിയിടിച്ച് രണ്ടു പേർക്ക് ദാരുണാന്ത്യം. എറണാകുളം കിഴക്കമ്പലം സ്വദേശി ജോൺസൺ മാത്യു ( 48), ഇടത്തല സ്വദേശി ശ്യാം (30) എന്നിവരാണ് മരിച്ചത്.
പന്തളം എം എസി റോഡിൽ കുരമ്പാല അമൃത വിദ്യാലയത്തിന് മുൻ വശത്ത് ഇന്ന് രാവിലെ 6.30 ഓടെയായിരുന്നു അപകടം. പന്തളം ഭാഗത്ത് നിന്നും വന്ന ഡെലിവെറി വാൻ അടൂർ ഭാഗത്ത് നിന്നും വന്ന ബസിൽ ഇടിക്കുകയായിരുന്നു. വാൻ ഡ്രൈവർ ഉറങ്ങിപ്പോയതാണ് അപകട കാരണം.
