തിരുവനന്തപുരം: മെസ്സിയെ എത്തിക്കാമെന്ന പേരിൽ നടന്ന തട്ടിപ്പിൽ മുൻകായികമന്ത്രിയെ എസ്ഐടിക്ക് മുന്നിൽ തള്ളിപ്പറഞ്ഞ് കൂടുതൽ സ്റ്റാഫംഗങ്ങൾ. ചട്ടലംഘനങ്ങൾ ചൂണ്ടിക്കാട്ടിയിട്ടും അബ്ദുറഹിമാൻ തിരുത്തിയില്ലെന്ന് അഡീഷണൽ പിഎസ് ആയിരുന്ന ജിആർ രമേശ് മൊഴി നൽകി. ടെണ്ടറില്ലാതെ സ്പോൺസറെ വയ്ക്കരുതെന്ന മുന്നറിയിപ്പ് അവഗണിച്ചു. തന്നിഷ്ടപ്രകാരം വകുപ്പിലെ കാര്യങ്ങൾ തീരുമാനിച്ചെന്നും മൊഴിയിൽ പറയുന്നു. എസ്ഐടിയുടെ ചോദ്യം ചെയ്യയിലാണ് മൊഴി നൽകിയത്.
എയ്ഡഡ് കോളേജ് അധ്യാപികയുടെ സേവനത്തിന് എതിരെ മുന്നറിയിപ്പ് നൽകിയിരുന്നു. എന്നാൽ മന്ത്രി ചെവികൊണ്ടില്ല. മന്ത്രിയുടെ സുഹൃത്ത് എന്ന നിലയിൽ മെയിലുകൾ കൈകാര്യം ചെയ്യാൻ അനുവദിച്ചു. മന്ത്രിയുടെ സ്വന്തം ഇഷ്ടം പോലെ വകുപ്പിലെ കാര്യങ്ങൾ തീരുമാനിച്ചുവെന്നും മൊഴിയിലുണ്ട്. പ്രൈവറ്റ് സെക്രട്ടറി സത്യപാലും റഹ്മാനെതിരെ എസ്ഐടിക്ക് മൊഴി നൽകിയിരുന്നു. റിപ്പോർട്ടറെ സ്പോൺസർ ആക്കാനുള്ള തീരുമാനം മന്ത്രിയുടെതെന്ന് സത്യപാലൻ പറഞ്ഞു. ടെണ്ടറില്ലാതെ സ്പോൺസറെ വെക്കരുതെന്ന് ഉദ്യോഗസ്ഥർ മുന്നറിയിപ്പ് നൽകി. എന്നാൽ മന്ത്രി തന്നിഷ്ടം പോലെ പ്രവർത്തിച്ചു. ആന്റോയുടെ ക്രിമിനൽ പശ്ചാത്തലവും റഹ്മാൻ അവഗണിച്ചെന്നും സത്യപാലൻ പറയുന്നു.
