പാമ്പാടി: പശുവിന്റെ ദേഹത്ത് ആസിഡ് ഒഴിച്ച കേസിൽ അയൽവാസിയെ പോലീസ് അറസ്റ്റ് ചെയ്തു. കൂരോപ്പട തട്ടാംപറമ്പിൽ വീട്ടിൽ ബിനോയ് (45) എന്നയാളെയാണ്. പാമ്പാടി പോലീസ് അറസ്റ്റ് ചെയ്തത്.
ഇയാൾ ഇന്ന് രാവിലെ 8 .30 മണിയോടുകൂടി തന്റെ സമീപവാസിയായ വീട്ടമ്മ വളർത്തുന്ന പശുവിന്റെ ദേഹത്ത് ആസിഡ് ഒഴിക്കുകയായിരുന്നു. ഇയാളുടെ പശുവിന്റെ പാൽ വീട്ടമ്മയായ മധ്യവയസ്ക കറന്നെടുക്കുന്നുണ്ടെന്ന തെറ്റിദ്ധാരണ മൂലമാണ് ഇയാൾ ഇത്തരത്തിൽ ചെയ്തത്. തുടര്‍ന്ന് പാമ്പാടി പോലീസ് കേസ് രജിസ്റ്റർ ചെയ്യുകയും, ഇയാളെ അറസ്റ്റ് ചെയ്യുകയും ചെയ്തു.
