സംസ്ഥാനത്ത് സ്വര്ണവിലയില് ഇന്ന് കുതിപ്പ്. ഗ്രാമിന് 110 രൂപ വര്ധിച്ച് 11,445 രൂപയിലെത്തി. പവന് വില 91,560 രൂപയാണ്. 18 കാരറ്റ് സ്വര്ണത്തിന്റെ വിലയില് ഗ്രാമിന് 90 രൂപയുടെ വര്ധനയില് 9,415 രൂപയായി. പവന് വില 75,320 രൂപയും. വെള്ളിവില 163 രൂപയാണ്.
ഒക്ടോബറില് അടിക്കടി വര്ധിച്ച സ്വര്ണവിലയില് മെല്ലെപ്പോക്കിനാണ് നവംബര് സാക്ഷ്യം വഹിക്കുന്നത്. നവംബര് ഒന്നിന് പവന് 90,200 രൂപയായിരുന്നു. അഞ്ചിന് 89,080 രൂപ താഴ്ന്ന ശേഷം 13ന് 94,320 രൂപയിലേക്ക് ഉയര്ന്നു. കഴിഞ്ഞ ദിവസങ്ങളില് സ്വര്ണവിലയില് ചാഞ്ചാട്ടം ദൃശ്യമാണ്.
