കോട്ടയം :കോട്ടയം ജില്ലാ കളക്‌ടറായി ജോൺ വി. സാമുവൽ ചുമതലയേറ്റു. കോട്ടയത്തിന്റെ 49-ാം മത് ജില്ലാ കളക്‌ടറാണ് ജോൺ വി. സാമുവൽ .ഇന്ന് രാവിലെ 10.30 – ഓടെ കളക്ട്രേറ്റിൽ എത്തിയ അദ്ദേഹത്തെ അഡീഷണൽ ജില്ലാ മജിസ്ട്രേറ്റ് ബീനാ പി. ആനന്ദിന്റെ നേതൃത്വത്തിൽ സ്വീകരിച്ചു.

2015 ഐ.എ.എസ്. ബാച്ചുകാരനാണ് ജോൺ വി. സാമുവൽ. തിരുവനന്തപുരം സ്വദേശിയായ അദ്ദേഹം. പിന്നാക്ക വികസന വകുപ്പ് ഡയറക്ടറായി പ്രവർത്തിച്ചു വരികെയാണ് കോട്ടയം ജില്ലാ കളക്‌ടറായി നിയമിതനായത്.

ആലപ്പുഴ ജില്ലാ കളക്‌ടർ, ഭൂജല വകുപ്പ് ഡയറക്ടർ, തദ്ദേശ സ്വയംഭരണ വകുപ്പ് ഡപ്യൂട്ടി സെക്രട്ടറി, കണ്ണൂർ ജില്ലാ ഡവലപ്മെന്റ് കമ്മിഷണർ, ലീഗൽ മെട്രോളജി കൺട്രോളർ എന്നീ നിലകളിലും പ്രവർത്തിച്ചിട്ടുണ്ട്.