കാഞ്ഞിരപ്പള്ളി: നാടിന്റെ വികസനത്തിനു വേണ്ടി വിശ്രമമില്ലാതെ കഠിനാധ്വാനം ചെയ്ത നേതാവായിരുന്നു കെ പി ഷൗക്കത്തെന്ന് കെ പി സി സി വൈസ് പ്രസിഡന്റും മുൻ എം എൽ എയുമായ വി റ്റി ബൽറാം. ജാതി മത ഭേദമന്യേ ആളുകളെ ചേർത്തുനിറുത്തിയ കെ പി ഷൗക്കത്തിന്റെ കരുതലിന്റെ രാഷ്ട്രീയം വർത്തമാന കാലഘട്ടത്തിൽ ഏറെ പ്രസക്തമാണെന്നും അദ്ദേഹം കൂട്ടിച്ചേർത്തു.
കോൺഗ്രസ് കാഞ്ഞിരപ്പള്ളി മണ്ഡലം കമ്മറ്റിയുടെ നേതൃത്വത്തിൽ മുൻ ബ്ലോക്ക് പഞ്ചായത്ത് പ്രസിഡന്റും കോൺഗ്രസ് ബ്ലോക്ക് പ്രസിഡന്റുമായിരുന്ന കെ പി ഷൗക്കത്തിന്റെ പതിമൂന്നാം അനുസ്മരണ ദിനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കോൺഗ്രസ് മണ്ഡലം പ്രസിഡന്റ് ബിജു പത്യാല അധ്യക്ഷത വഹിച്ചു. ഡി സി സി ജനറൽ സെക്രട്ടറിമാരായ പി.എ ഷെമീർ, റോണി കെ ബേബി ഗ്രാമ പഞ്ചായത്ത് അംഗം സുനിൽ തേനമ്മാക്കൽ യൂത്ത് കോൺഗ്രസ് ജില്ലാ ഭാരവാഹികളായ നിബു ഷൗക്കത്ത്, നയിഫ് ഫൈസി, എം കെ ഷെമീർ കെ എസ് യു ജില്ലാ പ്രസിഡന്റ് കെ എൻ നൈസാം ഡി സി സി അംഗം രഞ്ജു തോമസ്
കോൺഗ്രസ് ബ്ലോക്ക് ഭാരവാഹികളായ ഒ എം ഷാജി, ജി സുനിൽ കുമാർ, അബ്ദുൽ ഫത്താ ക്ക്, റസിലി തേനംമ്മാക്കൽ, ബിനു കുന്നുംപുറം, മാത്യു കുളങ്ങര, പി എ താജു, ഫസിലി പച്ചവെട്ടി, ദിലിപ് ചന്ദ്രൻ, നെസീമ ഹാരിസ്, മണി രാജു യൂത്ത് കോൺഗ്രസ് ഭാരവാഹികളായ അൽഫാസ് റഷീദ്, അസീബ് ഈട്ടിക്കൽ, ഷിനാസ് കിഴക്കയിൽ, ലിസ്റ്റു ഈഴക്കുന്നേൽ നേതാക്കളായ സജി ഇല്ലത്തുപറമ്പിൽ, അൻവർ പുളിമൂട്ടിൽ, ഉണ്ണി ചെറിയാൻ, ഫസിലി കോട്ടവാതിൽക്കൽ, ഫൈസൽ മഠത്തിൽ, സഫറുള്ളാ ഖാൻ, അഷറഫ് നെല്ലിമല പുതുപ്പറമ്പിൽ, റസിലി ആനിത്തോട്ടം എന്നിവർ പ്രസംഗിച്ചു.
