കാഞ്ഞിരപ്പള്ളി: ആടിയും പാടിയും ഉല്ലസിച്ചും ആദ്യാക്ഷരം കുറിക്കാനെത്തിയ കുരുന്നുകളുടെ വിദ്യാലയ പ്രവേശനോത്സവം വര്‍ണ്ണാഭമായി. NHAUP സ്കൂൾ 2023-24 അധ്യാന വർഷത്തിലെ പ്രവേശനോത്സവം സ്കൂൾ ഹാളിൽ നടന്നു. സ്കൂൾ വിദ്യാർഥിനി നൂറിൽ ഈമാൻ ഈശ്വര പ്രാർത്ഥന നടത്തി. പിടിഎ പ്രസിഡന്റ് നാദിർഷ കോനാട്ടുപറമ്പിൽ അധ്യക്ഷത വഹിച്ച യോഗത്തിൽ സ്കൂൾ ഹെഡ്മിസ്ട്രസ് ദീപാ യു നായർ സ്വാഗതം ആശംസിച്ചു. വാർഡ് മെമ്പർ സുമി ഇസ്മായിൽ യോഗം ഉദ്ഘാടനം ചെയ്തു.
പഠനോപകരണങ്ങളുടെ ഉദ്ഘാടനം മാനേജർ ഇൻ-ചാർജ് സഫർ വലിയകുന്നത്ത് നിർവഹിച്ചു. സ്കൂൾ അധ്യാപകൻ നാസർ മുണ്ടക്കയം ആശംസകളും സ്റ്റാഫ് പ്രതിനിധി ബിന്ദു കുമാരി നന്ദിയും പറഞ്ഞു. തുടർന്ന് അധ്യാപകരും പിടിഎ അംഗങ്ങളും ചേർന്ന് കുട്ടികൾക്കും രക്ഷാകർത്താക്കൾക്കും മധുര വിതരണവും നടത്തി.
ഒന്നാം ക്ലാസ് വിദ്യാർത്ഥികൾക്കായി മാനേജ്മെന്റ് സ്കൂൾ ബാഗും ക്ലാസ് അധ്യാപികമാർ സമ്മാനങ്ങളും നൽകി. പ്രവേശനോത്സവത്തിന്റെ ഭാഗമായി സ്കൂളും പരിസരവും വളരെ മനോഹരമായ രീതിയിൽ മാനേജ്മെന്റിന്റെയും അധ്യാപകരുടെയും പിടിഎയുടെയും നേതൃത്വത്തിൽ സജ്ജമാക്കിയിരുന്നു.
There is no ads to display, Please add some