കോട്ടയം: കാഞ്ഞിരപ്പള്ളി കോരുത്തോട് പഞ്ചായത്തിൽ മഞ്ഞപ്പിത്തം പടരുന്നതായി ആരോഗ്യവകുപ്പ്. ഇതുവരെ 15 പേർക്ക് മഞ്ഞപ്പിത്തം സ്ഥിരീകരിച്ചു. മാങ്ങാപ്പേട്ട, 504 കോളനി എന്നിവിടങ്ങളിലെ ആളുകൾക്കാണ് കുടിവെള്ളത്തിൽനിന്നു മഞ്ഞപ്പിത്തം ബാധിച്ചതായി ആരോഗ്യവകുപ്പു കണ്ടെത്തിയത്. കുടിവെള്ള കച്ചവടക്കാരിൽനിന്നു വാങ്ങിയ വെള്ളം ഉപയോഗിച്ചവർക്കാണ് രോഗബാധ. ഇവർക്ക് വെള്ളം വിതരണം നടത്തുന്ന കച്ചവടക്കാർക്ക് ലൈസൻസില്ലെന്നും കണ്ടെത്തി.

📌 വാർത്തകൾ നിങ്ങളുടെ വാട്സ് ആപ്പിൽ അതിവേഗമറിയാൻ ഇവിടെ ക്ലിക്ക് ചെയ്യുക👇 https://chat.whatsapp.com/BaWi2XR7wRD1LaRyHfyhyO

504 കോളനിയിൽ അനധികൃതമായി മദ്യവിൽപ്പന നടത്തുന്ന കടയിൽനിന്ന് മദ്യം വാങ്ങുന്നവർ സമീപത്തുള്ള കിണറിലെ വെള്ളം ഉപയോഗിച്ചിരുന്നു. ഇവിടെനിന്നു മദ്യപിച്ചവർക്കും രോഗം കണ്ടെത്തിയതായും ഇതേത്തുടർന്ന് കട അടപ്പിച്ചതായും അധികൃതർ അറിയിച്ചു. പൊതുജനങ്ങൾക്ക് ബോധവത്കരണം നൽകാൻ പഞ്ചായത്ത് ഓഫീസിൽ ചേർന്ന യോഗം തീരുമാനിച്ചു.