സംസ്ഥാനത്തെ ഐഎഎസ് തലപ്പത്ത് സർക്കാർ വൻ അഴിച്ചുപണി നടത്തി. എൻ. പ്രശാന്ത് ഐഎഎസിനെ യുവജന-കായിക വകുപ്പുകളുടെ സ്പെഷ്യൽ സെക്രട്ടറിയായി നിയമിച്ചു. ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്മെന്റ് കോർപ്പറേഷന്റെയും ജലവിഭവ വകുപ്പിന്റെയും സ്പെഷ്യൽ സെക്രട്ടറിയെന്ന അധിക ചുമതലകളും അദ്ദേഹത്തിന് നൽകി.മറ്റ് പ്രധാന മാറ്റങ്ങളിൽ, ശ്രീറാം വെങ്കിട്ടരാമനെ സ്കിൽസ് എക്സലൻസ് അക്കാദമിയുടെ മാനേജിങ് ഡയറക്ടറായി നിയമിച്ചു. നിലവിൽ അദ്ദേഹം കൃഷിവകുപ്പ് ഡയറക്ടറായിരുന്നു.
എസ്. സുഹാസിനെ കേരള ഇൻഡസ്ട്രിയൽ ഇൻഫ്രാസ്ട്രക്ചർ ഡെവലപ്മെന്റ് കോർപ്പറേഷന്റെ സ്പെഷ്യൽ സെക്രട്ടറിയായും നിയമിച്ചു. വാട്ടർ റിസോഴ്സ് വകുപ്പിന്റെ സെക്രട്ടറിയായിരുന്ന അദ്ദേഹം പുതിയ ചുമതലയിലേക്ക് മാറും.സഹകരണ സൊസൈറ്റി രജിസ്ട്രാറായിരുന്ന പ്രേംകൃഷ്ണൻ ഐഎഎസിനെ കേരള വാട്ടർ അതോറിറ്റിയുടെ പുതിയ മാനേജിങ് ഡയറക്ടറായും സർക്കാർ നിയമിച്ചു.
