കാഞ്ഞിരപ്പള്ളി: കെ.കെ റോഡിൽ കാഞ്ഞിരപ്പള്ളി ടൗൺ മുതൽ 26 മൈൽ ജംഗ്ഷൻ വരെയുള്ള റോഡിലെ കുഴികൾ ഉടൻ അടയ്ക്കണം എന്ന് ആവശ്യപ്പെട്ട് ക്രിട്ടിക്കൽ ടൈംസ് ന്യൂസ് ചീഫ് എഡിറ്റർ നയന ശശി പൊതുമരാമത്ത് വകുപ്പ് മന്ത്രി മുഹമ്മദ് റിയാസിന് നൽകിയ പരാതിയിൽ അതിവേഗ നടപടി.
പരാതി നൽകി മൂന്നു ദിവസത്തിനുള്ളിൽ തന്നെ യാത്രക്കാരുടെ ജീവന് ഭീഷണിയായിരുന്ന റോഡിലെ കുഴികൾ അധികൃതർ അടച്ചു. കാഞ്ഞിരപ്പള്ളി പേട്ട കവല മുതൽ ഇരുപത്തിയാറാം മൈൽ ജംഗ്ഷൻ വരെ റോഡിന്റെ വിവിധ ഭാഗങ്ങളിൽ നിരവധി കുഴികളായിരുന്നു ഉണ്ടായിരുന്നത്. ചെറുതും വലുതുമായ ഈ കുഴികളിൽ മഴവെള്ളം കൂടി നിറയുമ്പോൾ അപകട സാധ്യത കൂടുതലായിരുന്നു.
