തൃശൂർ: തൃശൂർ കണിമം​ഗലത്ത് സ്വകാര്യ ബസ് മറിഞ്ഞ് അപകടം. സ്ത്രീകളും കുട്ടികളും അടക്കം നിരവധി പേർക്ക് പരിക്കേറ്റു. കണിമംഗലം പാടത്താണ് ബസ് മറിഞ്ഞത്. വെള്ളിയാഴ്ച രാവിലെ 8.30-ഓടെയാണ് അപകടം.

അപകടസമയത്ത് ബസ്സിൽ 50-ലേറെ യാത്രക്കാരുണ്ടായിരുന്നതായി പ്രദേശവാസികൾ അറിയിച്ചു. ഇവരിൽ 30-ലധികം പരിക്കുണ്ട്. രണ്ട് സ്ത്രീകളുടെ നില ​ഗുരുതരമാണ്. പരിക്കേറ്റവരെ നിലവിൽ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്.

തൃപ്രയാർ തൃശ്ശൂർ റൂട്ടിൽ സർവീസ് നടത്തുന്ന ക്രൈസ്റ്റ് എന്ന ബസാണ് മറിഞ്ഞത്. കണിമംഗലത്ത് നിന്ന് തൃശൂരിലേക്ക് പോകുകയായിരുന്ന ബസാണ് മറിഞ്ഞത്. നാട്ടുകാരും പൊലീസും ഫയര്‍ഫോഴ്‌സും ചേര്‍ന്നാണ് സ്ഥലത്ത് രക്ഷാപ്രവര്‍ത്തനത്ത് നേതൃത്വം നൽകിയത്.