സംസ്ഥാനത്ത് ഇന്ന് (നവംബർ 6) സ്വർണവിലയിൽ കുത്തനെ ഇടിവ്. 22 കാരറ്റ് സ്വർണം ഗ്രാമിന് 245 രൂപയും പവന് 1960 രൂപയുമാണ് കുറഞ്ഞത്. ഇതോടെ ഒരു ഗ്രാം സ്വർണത്തിന്റെ വില 13,140 രൂപയായും ഒരു പവൻ സ്വർണത്തിന്റെ വില 1,05,120 രൂപയായും താഴ്ന്നു. ഗോൾഡ് ആൻഡ് സിൽവർ മർച്ചന്റ്സ് അസോസിയേഷനാണ് വില വിവരങ്ങൾ പുറത്തുവിട്ടത്.

ഇന്നലെ (നവംബർ 5) ഒറ്റയടിക്ക് പവന് 2360 രൂപ വർധിച്ച് 1,07,080 രൂപയിലായിരുന്നു വ്യാപാരം നടന്നത്. അന്താരാഷ്ട്ര വിപണിയിലെ കയറ്റിറക്കങ്ങളാണ് കേരളത്തിലെ സ്വർണവിലയിലും പ്രതിഫലിച്ചത്. ദീപാവലി ആഘോഷങ്ങളുടെ ഭാഗമായുള്ള ധൻതേരാസ് ദിനത്തിൽ സ്വർണവില കുറഞ്ഞത് ആഭരണപ്രേമികൾക്ക് ആശ്വാസമായെങ്കിലും നിക്ഷേപകർക്ക് തിരിച്ചടിയായി.