ആറ്റിങ്ങൽ: നിയന്ത്രണം വിട്ട ആംബുലൻസ് തലകീഴായി മറിഞ്ഞ് അപകടം. ആറ്റിങ്ങൽ ടിവി ജംഗ്ഷനിൽ ഇന്ന് രാവിലെ 8 മണിയോടെയായിരുന്നു സംഭവം.
ആറ്റിങ്ങൽ വലിയകുന്ന് താലൂക്ക് ആശുപത്രിയിൽ നിന്ന് രോഗിയുമായി മെഡിക്കൽ കോളേജിലേക്കുള്ള യാത്രയ്ക്കിടെയായിരുന്നു അപകടം.
അപകടത്തിൽ കിളിമാനൂർ സ്വദേശിയായ ആംബുലൻസ് ഡ്രൈവർ കിരണിന് (24) പരിക്കേറ്റു. വെഞ്ഞാറമൂട് സ്വദേശിയായ ജലീൽ എന്ന ആളിന്റെ ഉടമസ്ഥയിൽ ഉള്ളതാണ് ആംബുലൻസ്.
