അന്തരീക്ഷ താപനില ഉയര്ന്ന സാഹചര്യത്തില് സംസ്ഥാനത്തെ അങ്കണവാടികളിലെ പ്രീ സ്കൂള് പ്രവര്ത്തനം ഒരാഴ്ചത്തേയ്ക്ക് നിര്ത്തിവയ്ക്കാന് വനിത ശിശുവികസന വകുപ്പ് തീരുമാനിച്ചു. കഠിനമായ ചൂടിന്റെ പശ്ചാത്തലത്തില് ഡിസാസ്റ്റര് മാനേജ്മെന്റ് അതോറിറ്റിയുടെ സുരക്ഷാ മുന്നറിയിപ്പിനെ തുടര്ന്നും ആരോഗ്യ വകുപ്പിന്റെ ജാഗ്രതാ നിര്ദേശത്തെ തുടര്ന്നുമാണ് നടപടി.
അങ്കണവാടികളുടെ മറ്റ് പ്രവര്ത്തനങ്ങള് പതിവു പോലെ നടക്കും. ഈ കാലയളവില് കുട്ടികള്ക്ക് നല്കേണ്ട പോഷകാഹാരം വീടുകളില് എത്തിക്കുന്നതാണെന്ന് അധികൃതര് അറിയിച്ചു.
കടുത്ത വേനല് ചൂട് ആയതിനാല് കുഞ്ഞുങ്ങളെ അങ്കണവാടിയില് വരാന് നിര്ബന്ധിക്കരുതെന്ന് സംസ്ഥാന ബാലാവകാശ കമ്മീഷന് ആവശ്യപ്പെട്ടിരന്നു. വരാതിരിക്കുന്ന കുട്ടികള്ക്ക് പോഷാകാഹാരമുള്പ്പടെയുള്ള ആനുകൂല്യങ്ങള് വീടുകളില് എത്തിച്ച് നല്കണമെന്നും കമ്മീഷന് നിര്ദേശിച്ചിരുന്നു.
