ന്യൂയോർക്ക്: അമേരിക്കൽ ലീഗ്സ് കപ്പിൽ ലയണൽ മെസ്സിയുടെ കരുത്തിൽ ഇന്റർ മയാമിക്ക് കിരീടം. ഫൈനലിൽ നാഷ് വില്ലയെ മയാമി തോൽപ്പിച്ചു. മയാമിയുടെ ആദ്യ കിരീട നേട്ടമാണിത്.
പെനാൽറ്റി ഷൂട്ടൗട്ടിലാണ് (10-9) ഇന്റർ മയാമിയുടെ വിജയം. നിശ്ചിത സമയത്ത് ഇരു ടീമുകളും ഓരോ ഗോൾ വീതം നേടി സമനിലയിലായിരുന്നു. മത്സരത്തിന്റെ 23-ാം മിനുട്ടിൽ തകർപ്പൻ ഗോളോടെ മെസ്സിയാണ് ഇന്റർ മയാമിയെ മുന്നിലെത്തിച്ചത്.
ടൂർണമെന്റിൽ ഏഴു മത്സരങ്ങളിൽ നിന്നായി മെസി 10 ഗോളുകൾ നേടി. അമേരിക്കയിലെ ആദ്യ ടൂർണമെന്റിൽ തന്നെ മെസ്സി കീരീടം സ്വന്തമാക്കി. ഇതോടെ ഇതിഹാസ താരം ലയണൽ മെസ്സിയുടെ കരിയറിലെ കിരീടനേട്ടം 44 ആയി.
