തലശേരിയില് നിന്ന് എംഡിഎംഎ പിടിച്ചെടുത്തു. മിഠായി കടലാസില് പൊതിഞ്ഞ് എംഡിഎംഎ എത്തിച്ച കേസില് ചിറയ്ക്കല് സ്വദേശി മുഹമ്മദ് സമീല് പിടിയിലായി. 185 ഗ്രാം എംഡിഎംഎ ആണ് ഇയാളില് നിന്നും പിടികൂടിയത്. വിദ്യാര്ഥികളെ ഉള്പ്പെടെ ലക്ഷ്യമിട്ടാണ് സമീല് മിഠായിക്കവറില് ലഹരിയെത്തിച്ചതെന്നാണ് അനുമാനം.
പൊലീസിന് കിട്ടിയ രഹസ്യ വിവരത്തെ തുടര്ന്ന് തലശേരി എഎസ്പിയുടെ നേതൃത്വത്തിലുള്ള പൊലീസ് സംഘം സമീലിനെ പിടികൂടിയത്. തുടര്ന്ന് സമീലിന്റെ വീട്ടില് നടത്തിയ പരിശോധനയിലാണ് എംഡിഎംഎ കണ്ടെത്തിയത്. കൂളറിനുള്ളില് കവറുകളിലാക്കിയാണ് എംഡിഎംഎ സൂക്ഷിച്ചിരുന്നത്. ഓപ്പറേഷന് തൂഫാന്റെ ഭാഗമായി ഡാന്സാഫ് ടീമും തലശേരി എഎസ്പിയുടെ സംഘവും ചേര്ന്നാണ് പരിശോധന നടത്തിയത്.
