മിനിസ്ക്രീൻ ബിഗ് സ്ക്രീൻ പ്രേക്ഷകരുടെ പ്രിയപ്പെട്ട നടിയാണ് മീര വാസുദേവ്. മോഹൻലാൽ ചിത്രം തന്മാത്ര പോലെ ഹിറ്റ് സിനിമയില്‍ അഭിനയിച്ചതിന് ശേഷം മലയാളം വിട്ട് പോയ നടി വര്‍ഷങ്ങള്‍ക്ക് ശേഷം മലയാളത്തിലേക്ക് അഭിനയിക്കാന്‍ എത്തിയത് ടെലിവിഷന്‍ പരമ്പരയിലൂടെയായിരുന്നു. അടുത്തിടെയായിരുന്നു മീരയുടെ മൂന്നാം വിവാഹം.
ആദ്യ രണ്ട് വിവാഹബന്ധവും വേര്‍പിരിഞ്ഞ് നിന്ന നടി കുടുംബവിളക്ക് സീരിയലിന്റെ ഛായാഗ്രഹകനായ വിപിന്‍ പുതിയങ്കവുമായി വിവാഹിതയാവുകയായിരുന്നു. ഇതോടെ വ്യാപക വിമര്‍ശനങ്ങളാണ് മീരയെയും വിപിനെയും തേടി എത്തിയത്. ഇരുവരും തമ്മിലുള്ള പ്രായവ്യത്യാസവും മീരയുടെ ആദ്യ വിവാഹബന്ധങ്ങളുമൊക്കെ വിമര്‍ശനങ്ങള്‍ക്ക് കാരണമായി മാറി.
ഇപ്പോഴിതാ മീരയുടൊപ്പമുള്ള ചിത്രം പങ്കുവെച്ചെത്തിയിരിക്കുകയാണ് വിപിൻ. മീരയെ ചേര്‍ത്ത് പിടിച്ച് നില്‍ക്കുന്നതും ചുംബിക്കുന്നതുമായ ചിത്രങ്ങളാണ് ഇന്‍സ്റ്റാഗ്രാമിലൂടെ താരം പോസ്റ്റ് ചെയ്തത്. വിവാഹം കഴിഞ്ഞതിന് ശേഷം ഇരുവരും ഒരുമിച്ചുള്ളതായി ആദ്യം പുറത്ത് വന്ന ഫോട്ടോയാണിത്. അതേ സമയം താരങ്ങള്‍ ഹണിമൂണ്‍ യാത്രയിലാണോന്ന് ചോദിക്കുകയാണ് ആരാധകര്‍.
തുടക്കത്തില്‍ പലരും വിമര്‍ശിച്ചെങ്കിലും മീരയ്ക്കും വിപിനും ആശംസകള്‍ നേര്‍ന്ന് കൊണ്ടാണ് എല്ലാവരും എത്തിയിരിക്കുന്നത്. അതേസമയം 42കാരിയായ മീരയുടെ മൂന്നാം വിവാഹമായിരുന്നു വിപിനുമായുള്ളത്. അരീഹ എന്നു പേരുള്ള മകനുണ്ട്. 2005ലാണ് വിശാൽ അഗർവാളിനെ മീര വിവാഹം ചെയ്തത്. അഞ്ച് വർഷത്തിന് ശേഷം ആ ബന്ധം വേർപിരിഞ്ഞു. 2012ൽ മോഡലും നടനുമായ ജോൺ കൊക്കനെ വിവാഹം ചെയ്തു. 2016ൽ ഇരുവരും വേർപിരിഞ്ഞു. ഈ ബന്ധത്തിലെ കുഞ്ഞാണ് അരീഹ.
There is no ads to display, Please add some