ആലപ്പുഴ: ആലപ്പുഴയിൽ മത്സ്യക്കുളത്തിൽ സ്ഥാപിച്ചിരുന്ന മോട്ടോറിൽ നിന്ന് ഷോക്കേറ്റ് യുവാവ് മരിച്ചു. പഴവീട് ചിറയിൽ അഖിൽ രാജ്(28) ആണ് മരിച്ചത്.
ഇന്ന് രാവിലെ ആയിരുന്നു സംഭവം. മത്സ്യക്കുളം വറ്റിക്കുന്നതിനിടെ ഷോക്കേൽക്കുകയായിരുന്നു. ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
യുവാവും സുഹൃത്തുക്കളും ചേർന്ന് ഹരിപ്പാട് വീയപുരത്ത് സ്ഥലം പാട്ടത്തിനെടുത്ത് മീൻ കൃഷി നടത്തി വരികയായിരുന്നു. ഇന്ന് വിളവെടുക്കാനായി കുളം വറ്റിക്കുന്നതിനിടെ അപകടം സംഭവിക്കുകയായിരുന്നു. അഖിലിന്റെ മൃതദേഹം വണ്ടാനം മെഡിക്കൽ കോളേജിലേക്ക് മാറ്റി
