കൊച്ചി: ആകാശത്ത് ഓണമുണ്ണാന് അവസരമൊരുക്കി എയര് ഇന്ത്യ എക്സ്പ്രസ്. ശനിയാഴ്ച മുതല് ഈ മാസം അവസാനം വരെ കേരളത്തില് നിന്ന് ഗള്ഫ് രാജ്യങ്ങളിലേക്കും തിരിച്ചും യാത്ര ചെയ്യുന്നവര്ക്ക് യാത്രയുടെ 18 മണിക്കൂര് മുന്പ് വരെ ബുക്ക് ചെയ്ത് ഓണസദ്യ കഴിക്കാം. എയര് ഇന്ത്യ എക്സ്പ്രസ് വെബ്സൈറ്റിലും മൊബൈല് ആപ്പിലും ഇതിനായി സൗകര്യമുണ്ട്.
വിഭവസമൃദ്ധമായാണ് ഓണസദ്യ ഒരുക്കുന്നത്. കസവുകരയുടെ ഡിസൈനില് തയ്യാറാക്കിയ പ്രത്യേക പാക്കറ്റുകളിലാണ് ഓണസദ്യ യാത്രക്കാരുടെ കൈയിലെത്തുക. 500 രൂപയാണ് വില.
ഓണസദ്യയുടെ ആദ്യ ലോഞ്ചിങ് ടൂറിസം മന്ത്രി പിസി വിഷ്ണുനാഥ് നിര്വഹിച്ചു. എയര് ഇന്ത്യ മാര്ക്കറ്റിങ്, ഇ കൊമേഴ്സ്, ലോയല്റ്റി മേധാവി സുനില് സുരേഷും പങ്കെടുത്തു.
