ശബരിമലയിലെ യുവതി പ്രവേശനത്തില് നിലപാടിൽ മലക്കംമറിഞ്ഞ് തിരുവിതാംകൂർ ദേവസ്വം ബോർഡ്. യുവതി പ്രവേശനത്തെ അനുകൂലിച്ച നിലപാട് തിരുത്താനാണ് ദേവസ്വം ബോർഡ് ഒരുങ്ങുന്നത്. 2019 ലെ ദേവസ്വം ബോർഡിന്റെ സത്യവാങ്മൂലം സുപ്രീംകോടതിയിൽ തിരുത്തും. ശബരിമലയിൽ ആചാരം സംരക്ഷിക്കണമെന്ന് ദേവസ്വം ബോർഡിന്റെ പുതിയ നിലപാട്.
ദേവസ്വം ബോർഡിൻ്റെ നിലപാട് സ്വാഗതാർഹമെന്ന് ഗ്ലോബൽ ബ്രാഹ്മിൻ കൺസോർഷ്യം പ്രതികരിച്ചു.ദേവസ്വം ബോര്ഡ് വിശ്വാസികള്ക്കൊപ്പമെന്ന് പ്രസിഡന്റ് കെ ജയകുമാര് മാധ്യമങ്ങളോട് പ്രതികരിച്ചു. ശബരിമലയിലെ യുവതി പ്രവേശനവുമായി ബന്ധപ്പെട്ട കാര്യം ബോര്ഡ് വിശദമായി ചര്ച്ച ചെയ്തു. ശബരിമലയിൽ ആചാരങ്ങള് സംരക്ഷിക്കണമെന്നും ബോര്ഡിന് ആശയക്കുഴപ്പമില്ലെന്നും നിലവിലുള്ള ഉത്തരവിനെതിരെ സുപ്രീംകോടതിയിൽ ബോര്ഡ് നിലപാട് അറിയിക്കുമെന്നും വിധിയെ എതിര്ക്കുമെന്നും കെ ജയകുമാര് പറഞ്ഞു.
ദേവസ്വം ബോര്ഡ് ഒരിക്കലും യുവതി പ്രവേശനത്തെ അനുകൂലിച്ചിട്ടില്ല. വ്യക്തികള് അനുകൂലിച്ചിട്ടുണ്ടാകാമെന്നും 2020ലേത് അഭിഭാഷകന്റെ നിലപാടണെന്നും കെ ജയകുമാര് പറഞ്ഞു. ശബരിമല യുവതി പ്രവേശനത്തിൽ നിര്ണായക നിലപാട് മാറ്റമാണ് തിരുവിതാംകൂര് ദേവസ്വം ബോര്ഡിന്റേത്. നിലപാട് അറിയിച്ചുകൊണ്ട് ദേവസ്വം ബോര്ഡ് സുപ്രീംകോടതിയിൽ സത്യവാങ് മൂലം നൽകുമെന്നും കെ ജയകുമാര് വ്യക്തമാക്കി.
