ഷാരോൺ വധക്കേസിൽ വധശിക്ഷയ്ക്ക് വിധിക്കപ്പെട്ട് ജയിലിൽ കഴിയുന്ന ഗ്രീഷ്മക്കൊപ്പം കൂട്ടിനുള്ളത് മൂന്ന് കൊലപ്പുള്ളികളും ഒരു പോക്സോ കേസ് പ്രതിയും. അഞ്ചു പേരടങ്ങുന്ന സെല്ലിലാണ് ഗ്രീഷ്മയെ പാര്‍പ്പിച്ചിരിക്കുന്നത്. അ​ട്ട​ക്കു​ള​ങ്ങ​ര വ​നി​താ ജ​യി​ലി​ലെ ഈ വർഷത്തെ ആ​ദ്യ തടവുകാരിയാണ് ഗ്രീ​ഷ്മ. 1/2025 എ​ന്ന ന​മ്പ​റാ​ണ് ഗ്രീഷ്മ​യു​ടേ​ത്.

ജ​യി​ലി​ലെ 14ാം ബ്ലോ​ക്കി​ൽ 11-ാം ന​മ്പ​ർ സെ​ല്ലി​ൽ ര​ണ്ട് റി​മാ​ൻ​ഡ് പ്ര​തി​ക​ൾ​ക്കൊ​പ്പം 24ാമ​ത്തെ ത​ട​വു​കാ​രി​യാ​ണ്​ ഗ്രീ​ഷ്മ. വ​ധ​ശി​ക്ഷ ല​ഭി​ച്ച​വ​രെ പ്ര​ത്യേ​ക സെ​ല്ലി​ൽ പാ​ർ​പ്പി​ക്ക​ണ​മെ​ന്നാ​ണ്. എ​ന്നാ​ൽ കേസിൽ കോടതിയിൽ അ​പ്പീ​ൽ ഉള്ളതിനാൾ അ​തു​ണ്ടാ​യി​ല്ല. വിചാരണക്കാ​ല​ത്തും ഗ്രീ​ഷ്മ ഇ​തേ സെ​ല്ലി​ൽ ത​ന്നെ​യാ​യി​രു​ന്നു. എ​ന്നാ​ൽ, സ​ഹ​ത​ട​വു​കാ​രു​ടെ പ​രാ​തി​യെ​ത്തു​ട​ർ​ന്ന് ക​ഴി​ഞ്ഞ​വ​ർ​ഷം സെ​പ്‌​റ്റം​ബ​റി​ൽ മാ​വേ​ലി​ക്ക​ര വ​നി​താ സ്‌​പെ​ഷ​ൽ ജ​യി​ലി​ലേ​ക്ക്​ ​ഗ്രീഷ്മയെ മാ​റ്റിയിരുന്നു.

ജയിലിൽ ​ഗ്രീഷ്മയുടെ പ്രധാന ഹോബി ചിത്രംവരയാണ്. നേരത്തെ ​ഗ്രീഷ്മ 11 മാസം ഇതെ ജയിലിലുണ്ടായിരുന്നു. അതുകൊണ്ടുതന്നെ ജയിൽ ചുറ്റുപാ‌ട് നന്നായി അറിയാം. അന്നും ചിത്രംവര തന്നെയായിരുന്നു ​ഗ്രീഷ്മയുടെ പ്രധാന ഹോ​ബിയെന്ന് ജയിൽ അധികൃതർ പറഞ്ഞു. കുറ്റബോധമോ പശ്ചാത്താപമോ ഇല്ലാതെയാണ് ഗ്രീഷ്മ ഇപ്പോഴും പെരുമാറുന്നത്. മകളെ കണ്ട് പിതാവും മാതാവും വിതുമ്പി കരഞ്ഞപ്പോഴും ഗ്രീഷ്മക്ക് യാതൊരു ഭാവമാറ്റവുമില്ലെന്നും ജയിൽ അധികൃതർ പറഞ്ഞു.