ബെംഗളൂരു: ഹിജാബ് നിരോധനത്തില് ഇളവുമായി കര്ണാടക സര്ക്കാര്. സര്ക്കാര് സര്വീസുകളിലേക്കുള്ള റിക്രൂട്ട്മെന്റ് പരീക്ഷകളില് ഹിജാബ് ധരിക്കാന് അനുമതി നല്കാനാണ് സര്ക്കാരിന്റെ തീരുമാനം. മുഖ്യമന്ത്രി സിദ്ധരാമയ്യയുടെയും വിദ്യാഭ്യാസമന്ത്രി എം സി സുധാകറിന്റെയും നേതൃത്വത്തിൽ ചേർന്ന ഉന്നതതലയോഗത്തിലാണ് തീരുമാനം.
കര്ണാടക അഡ്മിനിസ്ട്രേറ്റീവ് പരീക്ഷകളില് (കെഎഇ) ഹിജാബിന് ഇനി വിലക്കുണ്ടാകില്ലെന്നും മറ്റ് പരീക്ഷകളില് നിന്നും ഹിജാബ് വിലക്ക് ഘട്ടംഘട്ടമായി നീക്കുമെന്നും വിദ്യാഭ്യാസ മന്ത്രി എം സി സുധാകര് പറഞ്ഞു. മുന് സര്ക്കാര് നിയമ നിര്മാണം നടത്തിയതിനാല് അത് പിന്വലിക്കുന്നതിന് ഭരണഘടനാപരമായ നടപടികള് ആവശ്യമാണെന്നും മന്ത്രി പറഞ്ഞു. ബസവരാജ ബൊമ്മെയുടെ നേതൃത്വത്തിലുള്ള ബിജെപി സര്ക്കാരാണ് 2022 ഫെബ്രുവരിയില് ഹിജാബ് നിരോധനം ഏര്പ്പെടുത്തിയത്.
