കൊളംബോ: ഏഷ്യ കപ്പ് സൂപ്പര്‍ ഫോറിലെ ഇന്ത്യ പാകിസ്ഥാന്‍ പോരാട്ടം മഴ കാരണം പൂര്‍ത്തിയാക്കാനായില്ല.മത്സരം റിസര്‍വ് ദിനമായ നാളെ വീണ്ടും അരങ്ങേറും.നാളെ ഉച്ചയ്‌ക്ക് ശേഷം മൂന്ന് മണിക്ക് ആകും മത്സരം പുനരാരംഭിക്കുക.

24.1 ഓവര്‍ കഴിഞ്ഞപ്പോള്‍ ഇന്ത്യ രണ്ട് വിക്കറ്റ് നഷ്ടത്തില്‍ 147 റണ്‍സ് എന്ന നിലയില്‍ നില്‍ക്കവെയാണ് മഴയെത്തിയത്. ഈ സ്‌കോറില്‍ മത്സരം പുനരാരംഭിക്കും.ശുഭ്മാന്‍ ഗില്ലും രോഹിതും 121 റണ്‍സിന്റെ ഓപ്പണിംഗ് കൂട്ടുകെട്ട് നേടി. 52 പന്തില്‍ നിന്ന് 58 റണ്‍സാണ് ഗില്‍ നേടിയത്. രോഹിത് ശര്‍മ്മ 49 പന്തില്‍ നിന്ന് 56 റണ്‍സ് എടുത്തു.ഷഹീന്‍ അഫീദിയാണ് ഗില്ലിനെ പുറത്താക്കിയത്. ശദാബിന് ആണ് രോഹിതിന്റെ വിക്കറ്റ് കിട്ടിയത്. എട്ട് റണ്‍സുമായി കോഹ്ലിയും 17 റണ്‍സുമായി രാഹുലുമാണ് ക്രീസില്‍ .

കഴിഞ്ഞ ദിവസം നടന്ന ശ്രീലങ്ക- ബംഗ്ലാദേശ് മത്സരത്തില്‍ ശ്രീലങ്ക 21 റണ്‍സിന് ജയിച്ചിരുന്നു.ആദ്യം ബാറ്റ് ചെയ്ത ശ്രീലങ്ക ഒമ്പത് വിക്കറ്റ് നഷ്ടത്തില്‍ 257 റണ്‍സ് നേടി. മറുപടി ബാറ്റിംഗിനിറങ്ങിയ ബംഗ്ലാദേശ് 48.1 ഓവറില്‍ 236 റണ്‍സിന് എല്ലാവരും പുറത്തായി.