ഗൃഹാതുര സ്മരണകളുയർത്തി മലയാളികൾക്ക് ഇന്ന് തിരുവോണം. ഇല്ലായ്മകളും പ്രതിസന്ധികളും മറന്ന് സമൃദ്ധിയുടെയും ഐശ്വര്യത്തിന്റെയും തിരുവോണം ലോകമെമ്പാടുമുള്ള മലയാളികള് ഇന്ന് ആഘോഷിക്കുകയാണ്. വറുതിയുടെ കർക്കിടകത്തിനു ശേഷം സമൃദ്ധിയുടെ പൊന്നോണമെത്തുമ്പോൾ നാടും നഗരവും ആഘോഷത്തിലാണ്.
ഇന്ന് കൊല്ലവർഷം 1201-ാം ആണ്ട്. ചിങ്ങം 20. തിരുവോണ ദിനത്തില് മാവേലി മന്നനെ വരവേല്ക്കുാൻ നാം തയ്യാറെടുത്ത് കഴിഞ്ഞു. അത്തം മുതൽ പത്ത് ദിവസം വരെ പൂക്കളമിട്ടാണ് ആഘോഷങ്ങൾക്ക് തുടക്കം. മുറ്റത്തെ പൂക്കളത്തോടെയാവണം തിരുവോണദിനത്തിൻ്റെ തുടക്കം. ഇന്നത്തെ പൂക്കളത്തിൽ ഓണത്തപ്പനേയും വെയ്ക്കാം. എല്ലാ നിറങ്ങളോടുമുള്ള പൂക്കളമാണ് ഇന്ന് വേണ്ടതും.
തിരുവോണ ദിനമായ ഇന്ന് തൃക്കാക്കര വാമന മൂര്ത്തി ക്ഷേത്രത്തില് പ്രത്യേകം ചടങ്ങുകളും നടക്കും. മഹാബലിയെ എതിരേല്ക്കുന്നതാണ് ഇതില് പ്രധാന ചടങ്ങ്. മലയാളികൾക്ക് കൂട്ടായ്മയുടെ ഉത്സവമാണ് ഓണം. ജാതി-മത ഭേദമന്യേ സകലരും ആഘോഷിക്കുന്ന ഉത്സവം. ഓണസദ്യയും പൂക്കളവും പുലിക്കളിയുമൊക്കെയായി കുടുംബത്തിനും കൂട്ടുകാർക്കുമൊപ്പമാണ് മലയാളികളുടെ ഓണാഘോഷം. ലോകത്തിന്റെ ഏതു കോണിലാണെങ്കിലും ഓണം ആഘോഷിക്കാനുള്ള അവസരം മലയാളികൾ നഷ്ടമാക്കാറില്ല.
