പാലക്കാട്: പടിഞ്ഞാറങ്ങാടി ഒതളൂരില്‍ വയോധിക വീട്ടുകിണറ്റില്‍ മരിച്ച നിലയില്‍ . ഒതളൂര്‍ ഇട്ടിരിയേത്ത് വളപ്പില്‍ കമലാക്ഷിയെ (67) ആണ് വീടിന്റെ അടുക്കളവശത്തെ കിണറിനകത്ത് മരിച്ച നിലയില്‍ കണ്ടെത്തുന്നത്.
ഞായറാഴ്ച പുലര്‍ച്ചെ ഏഴരയോടെയാണ് സംഭവം. ഇവരുടെ ഭര്‍ത്താവ് ബാലന്‍ ആണ് മൃതദേഹം കാണുന്നത്. പുലര്‍ച്ച ചായ കുടിക്കാന്‍ കടയില്‍ പോയി മടങ്ങിയെത്തിയ ബാലന്‍ വീട്ടിനകത്ത് കമലാക്ഷിയെ കണ്ടില്ല. തുടര്‍ന്ന് നടത്തിയ തിരച്ചിലിനൊടുവിലാണ് അടുക്കള ഭാഗത്തെ കിണറില്‍ വീണുകിടക്കുന്ന നിലയില്‍ ഇവരെ കാണുന്നത്.
തുടര്‍ന്ന് പട്ടാമ്പിയില്‍ നിന്നും ഫയര്‍ ഫോഴ്‌സ് യൂണിറ്റ് സ്ഥലത്തെത്തി മൃതദേഹം പുറത്തെടുത്തു. തൃത്താല പൊലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു.
