സംസ്ഥാനത്ത് പാമ്പുകടിയേറ്റ് വീണ്ടുമൊരു മരണം കൂടി. കാസര്കോട് എളേരിത്തട്ടില് പാമ്പുകടിയേറ്റ് ചികിത്സയിലായിരുന്ന നാലര വയസ്സുകാരി മരിച്ചു. ശരത്- അജിത ദമ്പതികളുടെ മകള് ഋതുചന്ദ്രയാണ് മരിച്ചത്.വീടിന് സമീപം മറ്റു കുട്ടികള്ക്കൊപ്പം കളിക്കുന്നതിനിടെയാണ് കുട്ടിക്ക് പാമ്പു കടിയേറ്റത്.
കഴിഞ്ഞ തിങ്കളാഴ്ചയായിരുന്നു സംഭവം. പരിയാരം മെഡിക്കല് കോളജ് ആശുപത്രിയില് ചികിത്സയിലായിരുന്നു.കളിക്കുന്നതിനിടെ കുട്ടിയുടെ കളിപ്പാട്ടം മരപ്പലകകള്ക്കിടയിലേക്ക് വീണു. അതെടുക്കാന് ശ്രമിക്കുന്നതിനിടെയാണ്, പലകകള്ക്കിടയിലുണ്ടായിരുന്ന മൂര്ഖന് കടിച്ചത്. ഉടന് തന്നെ തൊട്ടടുത്തുള്ള പ്രാഥമിക ആശുപത്രിയില് എത്തിച്ചെങ്കിലും ആന്റിവെനം ഉണ്ടായിരുന്നില്ല.
തുടര്ന്ന് പരിയാരം മെഡിക്കല് കോളജിലേക്ക് കൊണ്ടുപോകും വഴി പയ്യന്നൂര് ആശുപത്രിയില് വെച്ച് ആന്റിവെനം നല്കിയിരുന്നു. പരിയാരത്ത് എത്തിച്ചപ്പോഴേക്കും അവശനിലയിലായ കുട്ടി വെന്റിലേറ്ററില് ചികിത്സയിലായിരുന്നു.
