ഇന്ന് ഉത്രാടം… തിരുവോണത്തിനായുള്ള അവസാനവട്ട ഒരുക്കമായ ഊത്രാടപാച്ചിലിന്‍റെ തിരക്കിലാണ് ഇന്ന് മലയാളികൾ. അത്തം പത്തിന് തിരുവോണം എന്നാണല്ലോ… അതുകൊണ്ടുതന്നെ അത്തം തുടങ്ങുമ്പോള്‍ മുതല്‍ മലയാളികള്‍ എണ്ണി തുടങ്ങും തിരുവോണത്തിനെ വരവേല്‍ക്കാന്‍.
അത്തം തുടങ്ങി ഒമ്പതാമത്തെ ദിനമാണ് ഒന്നാം ഓണമായ ഉത്രാടം. ചില സ്ഥലങ്ങളിൽ ഒമ്പത് കൂട്ടം കറികൾ ഒരുക്കി വിഭവ സമൃദ്ധമായ സദ്യ ഒരുക്കാറുണ്ട്. തിരുവോണത്തിന്റെ തലേദിവസമായ ഉത്രാടദിനം ശരിക്കും പാച്ചിലിന്റെ ദിനം തന്നെയാണ്. ഇന്ന് ഉത്രാട ദിനത്തിൽ വിപണിയിലെ തിരക്ക് വർധിക്കും. അത്തം തുടങ്ങുമ്പോള്‍ മുതല്‍ മലയാളികള്‍ കാത്തിരിക്കുന്നത് തിരുവോണ ദിനത്തിനായിട്ടാണ്. ‘കാണം വിറ്റും ഓണം ഉണ്ണണം’ എന്നാണല്ലോ ചൊല്ല്.
മലയാളിയുടെ ഗൃഹാതുരമായ ഓണത്തിന്റെയും ഓണാഘോഷത്തിന്റെയും പൊലിമ നഷ്ടപ്പെടുത്താതെ നാളെ നമുക്ക് തിരുവോണത്തെ വരവേല്‍ക്കാം.
There is no ads to display, Please add some