ഒരു വാട്സ്ആപ്പിൽ തന്നെ നിരവധി അക്കൗണ്ട് ഉപയോഗിച്ച് ലോഗ് ഇൻ ചെയ്യാൻ സാധിക്കുന്ന ഫീച്ചർ കൊണ്ടുവരാൻ തയ്യാറെടുത്ത് വാട്സ്ആപ്പ്. നിലവിൽ പുതിയ ബീറ്റ വേർഷനിൽ ഈ ഫീച്ചർ ലഭിക്കുന്നതാണെന്ന് വിവിധ റിപ്പോർട്ടുകൾ സൂചിപ്പിക്കുന്നു. അടുത്തിടെയായി നിരവധി മാറ്റങ്ങളാണ് വാട്സ്ആപ്പിൽ കൊണ്ടുവരാൻ ശ്രമിക്കുന്നത്.
മെറ്റയുടെ ഉടമസ്ഥതയിലുള്ള ഇൻസ്റ്റഗ്രാമിലും ഫെയിസ്ബുക്കിലും നിലവിൽ ഈ ഫീച്ചർ ലഭ്യമാണ്. ഇതിന് പിന്നാലെയാണ് വാട്സ്ആപ്പിലും ഈ സൗകര്യം കൊണ്ടുവരാൻ മെറ്റ ശ്രമിക്കുന്നത്. ഇത് നടപ്പിലാക്കിയാൽ ഒരു ആപ്ലിക്കേഷനിൽ ഒന്നിൽ കൂടുതൽ അക്കൗണ്ടുകളിൽ നിന്ന് ലോഗ് ഇൻ ചെയ്യാൻ സാധിക്കുന്നതാണ്. ഇതുമൂലം ഒരു ഉപഭോക്താവിന് ഒരു ഫോണിൽ നിന്ന് തന്നെ ഒന്നിൽ കൂടുതൽ വാട്സ്ആപ്പ് അക്കൗണ്ടുകൾ ഉപയോഗിക്കാവുന്നതാണ്.
അടുത്തിടെ നിരവധി ഫീച്ചറുകളാണ് വാട്സ്ആപ്പ് ഉപയോക്താക്കളിലേക്ക് എത്തിച്ചത്. വീഡിയോ കോള്‍ സ്‌ക്രീന്‍ ഷെയറിങ്ങ് ഓപ്ഷന്‍ ഗൂഗിള്‍ മീറ്റ്, സൂം പോലുള്ള ആപ്പുകള്‍ക്ക് വന്‍ ഭീഷണിയാണ്. വീഡിയോ കോള്‍ ചെയ്യുമ്പോള്‍ തന്നെ താഴെ കാണിച്ചിരിക്കുന്ന മെനുവില്‍ സ്‌ക്രീന്‍ ഷെയര്‍ ചെയ്യാനുള്ള ഓപ്ഷന്‍ കാണാന്‍ സാധിക്കുന്നതാണ്. ഇതില്‍ ക്ലിക്ക് ചെയ്താല്‍ നമ്മുക്ക് ഈ ഫീച്ചര്‍ ലഭ്യമാകും.
