മകന്റെ മർദ്ദനത്തെ തുടർന്ന് ചികിത്സയിൽ കഴിയുകയായിരുന്ന മുതിർന്ന സിപിഎം നേതാവ് മരിച്ചു. രാജാക്കാട് സ്വദേശി ആണ്ടവർ ആണ് മരിച്ചത്. കഴിഞ്ഞ 24 നായിരുന്നു സംഭവം ഉണ്ടായത്.
അച്ഛനും മകനും തമ്മിലുണ്ടായ വാക്കുതർക്കമാണ് ആക്രമണത്തിൽ കലാശിച്ചത്. തർക്കത്തിനിടെ മണികണ്ഠൻ ടേബിൾ ഫാൻ ഉപയോഗിച്ച് ആണ്ടവറുടെ തലയ്ക്കും മുഖത്തും മർദ്ദിക്കുകയായിരുന്നു. ഗുരുതരമായി പരിക്കേറ്റ ഇയാളെ ഉടൻ തന്നെ ആശുപത്രിയിൽ പ്രവേശിപ്പിച്ചിരുന്നു.
സി.പി.എം. കുന്നത്തങ്ങാടി ലോക്കൽ കമ്മിറ്റി മുൻ അംഗവും മുൻ ബ്രാഞ്ച് സെക്രട്ടറിയുമായിരുന്നു ആണ്ടവർ. സംഭവത്തിൽ മണികണ്ഠനെ പോലീസ് അറസ്റ്റ് ചെയ്തു.
