മകന്റെ മര്‍ദ്ദനത്തില്‍ പരിക്കേറ്റ് ചികില്‍സയില്‍ കഴിഞ്ഞിരുന്ന പിതാവ് മരിച്ചു. കുണ്ടായിത്തോട് സ്വദേശി ഗിരീഷ് ആണ് മരിച്ചത്. ഭാര്യയുമായി അകന്ന് സഹോദരിമാരുടെ വീട്ടിലാണ് ഗിരീഷ് താമസിച്ചിരുന്നത്. സഹോദരിമാരുടെ വീട്ടിലെത്തിയാണ് മകന്‍ സനല്‍ ഗിരീഷിനെ മര്‍ദ്ദിച്ചത്. ബുധനാഴ്ചയായിരുന്നു സംഭവം.
മര്‍ദ്ദനത്തെ തുടര്‍ന്ന് തലക്ക് ഗുരുതരമായി പരിക്കേറ്റ ഗിരീഷിനെ നാട്ടുകാര്‍ ചേര്‍ന്നാണ് ആശുപത്രിയില്‍ എത്തിച്ചത്. കോഴിക്കോട് മെഡിക്കല്‍ കോളജില്‍ വെന്റിലേറ്ററില്‍ ചികില്‍സയില്‍ തുടരവെയാണ് മരണം.
