കുറവിലങ്ങാട്: മോഷ്‌ടിച്ച ബൈക്കുമായി ഉഴവൂർ ഭാഗത്ത് വച്ച് യുവാവിനെ പോലീസ് അറസ്റ്റ് ചെയ്തു. പിറവം പാഴൂർ ഭാഗത്ത് ചെറുവേലിക്കുടിയിൽ വീട്ടിൽ (ഉഴവൂർ തറക്കനാൽ ഭാഗത്ത് ഇപ്പോൾ താമസം) ജിതീഷ് (21) എന്നയാളെയാണ് കുറവിലങ്ങാട് പോലീസ് അറസ്റ്റ് ചെയ്തത്.

ഇന്നലെ രാത്രിയോടുകൂടി പോലീസ് രാത്രികാല വാഹന പരിശോധന നടത്തുന്നതിനിടയിൽ ഉഴവൂർ ഭാഗത്ത് വച്ച് നമ്പർ പ്ലേറ്റ് പ്രദർശിപ്പിക്കാത്ത ബൈക്കുമായി എത്തിയ ഇയാളെ കുറവിലങ്ങാട് പോലീസ് പിടികൂടുകയായിരുന്നു.

തുടർന്ന് പോലീസിൻ്റെ ചോദ്യം ചെയ്യലിൽ ഈ ബൈക്ക് നാലാം തീയതി താനും, സുഹൃത്തും ചേർന്ന് ഉഴവൂർ ടൗൺ ഭാഗത്തുള്ള സൗത്ത് ഇന്ത്യൻ ബാങ്കിൻ്റെ സമീപത്തുനിന്നും മോഷ്ടിച്ചതാണെന്ന് ഇയാൾ പോലീസിനോട് പറഞ്ഞു.

കുറവിലങ്ങാട് സ്റ്റേഷൻ എസ്.എച്ച്.ഓ ശ്രീജിത്ത്.റ്റി, എസ്.ഐ വിദ്യാ.വി, എ.എസ്.ഐമാരായ അജി, ബൈജു കെ.വി, സി.പി.ഓ ഡിബിൻ കെ.സി എന്നിവർ ചേർന്നാണ് ഇയാളെ അറസ്റ്റ് ചെയ്‌തത്‌.

ജീതീഷിന് പിറവം,ഹിൽപാലസ്, കുറവിലങ്ങാട് എന്നീ സ്റ്റേഷനുകളിൽ ക്രിമിനൽ കേസുകൾ നിലവിലുണ്ട്. ഇയാളെ കോടതിയിൽ ഹാജരാക്കി.