തിരുവനന്തപുരം : സംസ്ഥാനത്ത് ഇന്നും നാളെയും മദ്യശാലകളും ബിവറേജസ് ഔട്ട്ലെറ്റുള്‍ക്കും അവധി. നാലാം ഓണ ദിനമായ ചതയം, ശ്രീനാരായണ ഗുരു ജയന്തി ആയതിനാലാണ് സംസ്ഥാനത്ത് ഇന്ന് മദ്യശാലകള്‍ക്ക് അവധി നല്‍കിയിട്ടുള്ളത്.
നാളെ ഒന്നാം തിയതി ആയതിനാലും മദ്യശാലകള്‍ക്ക് അവധിയായിരിക്കും. ഈ രണ്ട് ദിവസങ്ങളിലും സംസ്ഥാനത്ത് ബാറുകളും ബെവ്കോ ഔട്ട് ലെറ്റുകളും പ്രവര്‍ത്തിക്കില്ലെന്ന് അധികൃതര്‍ വ്യക്തമാക്കി.
അതേസമയം സംസ്ഥാനത്ത് ഇത്തവണ ഓണക്കാലത്ത് റെക്കോര്‍ഡ് മദ്യ വില്‍പ്പനയാണ് നടന്നത്. ഉത്രാടം വരെയുള്ള അവസാനത്തെ എട്ട് ദിവസങ്ങളിലായി 665 കോടി രൂപയുടെ മദ്യമാണ് വില്‍പ്പന നടത്തിയത്. കഴിഞ്ഞ വര്‍ഷം ഇതേ സമയം 624 കോടിയുടെ മദ്യമാണ് വിറ്റുപോയത്. 41 കോടിയുടെ മദ്യ വില്‍പ്പനയാണ് അധികമായി ഉണ്ടായത്.
There is no ads to display, Please add some