മലപ്പുറം മഞ്ചേരിയിൽ ഡ്രൈവറുടെ മഖത്തടിച്ച കേസിൽ പൊലീസുകാരനെതിരെ കൂടുതൽ നടപടി. സംഭവത്തിൽ നൗഷാദ് എന്ന പൊലീസുദ്യോഗസ്ഥനെ അന്വേഷണ വിധേയമായി സസ്പെൻഡ് ചെയ്തു. വാഹന പരിശോധനയ്ക്കിടെ ഇയാൾ ഡ്രൈവറുടെ മുഖത്തടിക്കുകയായിരുന്നു. അടിയേറ്റ ജാഫർ എന്നയാൾ എസ്പ‌ിക്ക് നേരിട്ട് പരാതി നൽകിയതോടെയാണ് നടപടി.
പൊലീസുദ്യോഗസ്ഥൻ യുവാവിന്റെ മുഖത്തടിക്കുന്നതിൻ്റെ ദൃശ്യങ്ങൾ സമൂഹമാധ്യമങ്ങളിൽ വൈറൽ ആയിരുന്നു. സംഭവത്തിന് ശേഷം ഇന്നലെ ജാഫറിനെ സ്റ്റേഷനിലെത്തിച്ച് പരാതിയില്ലെന്ന് എഴുതി വാങ്ങുകയും ചെയ്തു. പൊതുമധ്യത്തിൽ അപമര്യദമായി പെരുമാറി, യുവാവിൽ നിന്ന് പരാതി ഇല്ലെന്ന് എഴുതി വാങ്ങിയത് അധികാര ദുർവിനിയോഗമാണ്, സേനയ്ക്ക് അവമതിപ്പുണ്ടാക്കി എന്നീ കാര്യങ്ങളുടെ പശ്ചാത്തലത്തിലാണ് നൗഷാദിനെ സസ്പെന്റ് ചെയ്തത്.
