നടി അമല പോൾ വിവാഹിതയായി. സുഹൃത്ത് ജഗദ് ദേശായി ആണ് വരൻ. പ്രമുഖ ലക്ഷ്വറി വില്ലയുടെ മാനേജർ കൂടിയായ ജഗദ് ഗുജറാത്ത് സ്വദേശിയാണ്. കൊച്ചിയില്‍ നടന്ന വിവാഹ ചടങ്ങിന്റെ ചിത്രങ്ങള്‍ ജഗദ് തന്റെ ഇന്‍സ്റ്റഗ്രാം പേജിലൂടെ പങ്കുവെച്ചിട്ടുണ്ട്. .’ശേഷിക്കുന്ന ജീവിതത്തിലേക്ക് എന്റെ അപ്സരസിന്റെ കൈപിടിച്ച് മുന്നോട്ട്’, എന്നാണ് വിവാഹ ചിത്രം പങ്കുവെച്ചുകൊണ്ട് ജഗദ് ഇന്‍സ്റ്റഗ്രാമില്‍ കുറിച്ചിരിക്കുന്നത്. അമല പോളും ചിത്രങ്ങൾ പങ്കുവെച്ചിട്ടുണ്ട്.
ഒട്ടേറെ പേരാണ് അമലയ്‍ക്കും ജഗത്തിനും ആശംസകള്‍ നേര്‍ന്ന് എത്തിയിരിക്കുന്നത്.
ജഗത് ദേശായി പങ്കുവെച്ച പ്രൊപ്പോസല്‍ വീഡിയോ നേരത്തെ ശ്രദ്ധയാകര്‍ഷിച്ചിരുന്നു. അമല സ്‍നേഹ ചുംബനം നല്‍കുന്നതും വീഡിയോയില്‍ ഉള്‍പ്പെടുത്തിയിരുന്നു.’മൈ ജിപ്സി ക്വീൻ യെസ് പറഞ്ഞു” എന്നായിരുന്നു ജഗദ് പങ്കുവെച്ച വിഡിയോയുടെ അടിക്കുറിപ്പ്.
അമല പോളിന്റെ രണ്ടാം വിവാഹമാണിത്. 2014–ലാണ് സംവിധായകൻ എ.എൽ. വിജയ്‍യുമായുള്ള അമലയുടെ ആദ്യ വിവാഹം നടക്കുന്നത്. നാലുവർഷത്തെ പ്രണയത്തിനുശേഷം ആയിരുന്നു വിവാഹം. എന്നാൽ 2017ൽ ഇവർ വിവാഹമോചിതരായി.
