തിരുവനന്തപുരം : മുതിർന്ന സിപിഐ എം നേതാവും സിഐടിയു പ്രസിഡന്റുമായിരുന്ന ആനത്തലവട്ടം ആനന്ദന്റെ സംസ്കാരം ഇന്ന് വൈകിട്ട് തൈക്കാട്‌ ശാന്തി കവാടത്തിൽ നടക്കും.രാവിലെ മൃതദേഹം ചിറയിൻകീഴിലുള്ള വസതിയിൽ നിന്ന് എ.കെ.ജി സെന്‍ററിൽ എത്തിക്കും. 11 മണി മുതലാണ് എ.കെ.ജി സെന്‍ററിലെ പൊതുദർശനം.തുടർന്ന് ഉച്ചക്ക് രണ്ടിന് തിരുവനന്തപുരം സി.ഐ.ടി.യു സംസ്ഥാന കമ്മിറ്റി ഓഫിസിലും പൊതുദർശനത്തിന് വെക്കും.

ഇന്നലെ വൈകുന്നേരം മെഡിക്കൽ കോളേജ് ആശുപത്രിയിൽ വെച്ചായിരുന്നു അന്ത്യം. 86 വയസ്സായിരുന്നു. അർബുദബാധയെ തുടർന്ന് ദീർഘനാളായി ചികിത്സയിലായിരുന്നു ആനത്തലവട്ടം.ആശുപത്രിയിലെത്തിയ സിപിഎം സംസ്ഥാന സെക്രട്ടറി എം വി ഗോവിന്ദനും മറ്റ് നേതാക്കളും ആനത്തലവട്ടം ആനന്ദന് അന്തിമോപാചരം അർപ്പിച്ചു.