കോട്ടയം: പുതുപ്പള്ളി നിയമസഭാ നിയോജകമണ്ഡലം ഉപതെരഞ്ഞെടുപ്പിനോട് അനുബന്ധിച്ച് മണ്ഡലത്തിന്റെ പരിധിയിൽ നടത്തിയ പരിശോധനയിൽ ലഹരി വസ്തുക്കൾ പിടിച്ചെടുത്തു. 8.41 ലക്ഷം രൂപ വിലവരുന്ന മദ്യമാണ് ഇതുവരെ പിടിച്ചെടുത്തിട്ടുള്ളത്.

പോലീസ്, ഫ്ളയിങ് സ്ക്വാഡ്, സ്റ്റാറ്റിക് സർവൈലൻസ് ടീം എന്നിവരുടെ നേതൃത്വത്തിൽ 70.1 ലിറ്ററും, എക്സൈസ് വകുപ്പിന്റെ പരിശോധനയിൽ 2490.27 ലിറ്റർ മദ്യവുമാണ് പിടികൂടിയത്. വിവിധ സ്ക്വാഡുകളുടെ പരിശോധനയിൽ 6.966 കിലോഗ്രാം കഞ്ചാവ്, ഒരു കഞ്ചാവ് ചെടി, 164.93 ഗ്രാം എം.ഡി.എം.എ, 10 കിലോഗ്രാം പുകയില, 105 പാക്കറ്റ് പുകയില ഉത്പന്നങ്ങൾ, 48 പാക്കറ്റ് ഹാൻസ്, 2 ഗ്രാം ഹാഷിഷ് ഓയിൽ, 33 ഗ്രാം നൈട്രാസെപാം ഗുളിക തുടങ്ങിയവയും പിടികൂടി. 4.60 ലക്ഷം രൂപയാണ് മൂല്യം കണക്കാക്കുന്നത്.