പതിനാറുകാരി പ്രസവിച്ചതായി റിപ്പോർട്ടുകൾ. പതിനാലുകാരനായ സഹോദരനാണ് ഉത്തരവാദിയെന്ന് പെൺകുട്ടി മൊഴി നൽകിയിട്ടുണ്ട്. തമാശയ്ക്ക് തുടങ്ങിയ ബന്ധമാണെന്നും അതുവഴി ഗർഭിണിയായെന്നുമാണ് പെൺകുട്ടി മൊഴി നൽകിയത്.
ഈ മാസം പതിമൂന്നിന് ആലപ്പുഴ വണ്ടാനം മെഡിക്കൽ കോളേജിൽ വച്ചാണ് പെൺകുട്ടി പ്രസവിച്ചത്. തുടർന്ന് പൊലീസും ചൈൽഡ് ലൈൻ പ്രവർത്തകരും മൊഴിയെടുത്തപ്പോൾ സഹോദരനാണ് ഇതിനുപിന്നിലെന്ന് പെൺകുട്ടി പറഞ്ഞതായാണ് വിവരം. സംഭവത്തിൽ പൊലീസ് വിശദമായ അന്വേഷണം ആരംഭിച്ചു.
കുഞ്ഞിനെ ആലപ്പുഴ ചൈൽഡ് ലൈൻ ഏറ്റെടുത്തിട്ടുണ്ടെന്നാണ് വിവരം. പെൺകുട്ടിയുടെ വീടും സഹോദരന്റെ ദൃശ്യങ്ങളും പകർത്താൻ ശ്രമിച്ച അഞ്ച് കോൺഗ്രസ് പ്രവർത്തകരെ പൊലീസ് അറസ്റ്റ് ചെയ്തതായി ഒരു മാദ്ധ്യമം റിപ്പോർട്ട് ചെയ്യുന്നു
