സംസ്ഥാനത്തെ സ്കൂളുകളുടെ പ്രവൃത്തിസമയം അരമണിക്കൂർ കൂട്ടുന്ന തീരുമാനത്തിനു മാറ്റമില്ലെന്ന് വിദ്യാഭ്യാസമന്ത്രി വി ശിവൻകുട്ടി. രാവിലെയും വൈകിട്ടും 15 മിനിറ്റ് വർധിപ്പിക്കും. അടുത്ത ആഴ്ച മുതല്‍ ഇത് നിലവില്‍ വരും. അക്കാദമിക്ക് കലണ്ടർ ഉടൻ തയാറാക്കുമെന്നും മന്ത്രി കൂട്ടിച്ചേർത്തു.
സംസ്ഥാന സിലബസില്‍ പ്രവർത്തിക്കുന്ന സർക്കാർ, എയ്ഡഡ്, അണ്‍-എയ്ഡഡ് (അംഗീകൃതം) സ്കൂളുകളിലെ 2025-26 അധ്യയന വർഷത്തിലെ ആറാം പ്രവൃത്തി ദിനം അടിസ്ഥാനപ്പെടുത്തിയുളള കുട്ടികളുടെ കണക്കെടുപ്പ് നാളെ നടക്കുമെന്നും അദ്ദേഹം പറഞ്ഞു.
